K2 Kitchen (已結業)

呢間都算係觀塘工廈入面嘅隱世高質餐廳吧，朋友帶女朋友黎食，覺得好好，然後推薦我，果然冇介紹錯入面環境有格調，適合情侶約會我叫咗個安格斯肉眼轉做dinner set，加多份鵝肝前菜係南瓜容焗扇貝，南瓜蓉香濃，估唔到同扇貝可以咁配合，最值得讚嘅係扇貝真係超級大粒廚師餐湯嘅味道有d重，如果飲太多可能會有d濟，但好在唔算大碗，當係打開胃口吧，上面嘅餅乾條好有特色，我都係第一次見，如果脆d就更好了，宜家有d索風。主菜安格斯扒十分厚，我叫3成熟，我覺得可以再生少少，因為我女朋友嘅五成熟好似都比我嗰份生，不過整體黎講真係好滿足，啖啖肉，而且調味唔濃，可以享受到牛扒嘅香，美中不足嘅係餐刀感覺不太利，鋸到我地好狼狽，鋸到好似鬥木咁鵝肝十分好食，香脆嘅皮入面包含住香滑嘅脂肪，一咬落去係有爆開嘅感覺，真係好爽！鵝肝都算大，雖然我嗰份唔夠女朋友嗰份厚，但比佢嗰份大甜品味道中規中矩吧，但勝在夠靚，朵花靚到我唔捨得整爛佢順帶一評，飲品我點咗凍檸水，檸檬味好突出，好好飲，本身以為普普通通嘅餐飲竟然都有驚喜