影片
更多
2018-06-26
27 浏览
呢日夜晚嚟咗觀塘工廈內嘅餐廳，沿住樓梯邊已經有好多掛牆藝術擺設，入到餐廳人流比想像中多，好彩地方寬敞坐得舒適😙同朋友各叫一個豐富既晚市套餐💁🏻♀️餐包及餐湯（7/10）餐包熱辣辣，軟熟度絕對有驚喜塗上滿滿嘅牛油，感覺夠曬香口😱餐湯有甘荀忌廉湯同埋雜菜湯，前者飲落夠哂creamy吾會太稠😇忌廉味濃甘荀味吾會太強烈，後者係酸酸甜甜帶有微辣既羅宋湯，感覺都幾開胃🍅任食沙律吧（7/10）+$38 沙律吧選擇唔算多，但係基本既都會有，包括沙律菜、鮮蕃茄、西瓜粒、啫喱糖、薯仔沙律，加上粟米粒、荔枝肉等配料🥗👁🗨 美國頂級西冷牛扒10oz配薯菜（6.5/10）💲218🥩今次叫左七成熟，呢塊厚身既西冷牛扒，切開呈淡粉紅，稍微乾同鞋左啲，牛味不過不失，可以點下黑椒汁調味，建議大家叫五成熟🙃見到其他人伴碟既係炸薯角，但我呢個薯仔粒好似有點兒失色，外皮唔係脆身嗰種，入面亦都比較生同硬🥔側邊有一大片煙肉包住蘆荀同埋粟米，而挖空既蕃茄裏頭都係用心之作，有溶左既芝士鋪係煙肉、洋蔥、番茄粒粒上面🧀👁🗨 龍蝦汁海鮮意粉（7/10）💲168望到好多人都係叫呢個，又即管跟風一試🤔食落個汁係比較清既龍蝦味，個人認為可以
餐包及餐湯（7/10）餐包熱辣辣，軟熟度絕對有驚喜塗上滿滿嘅牛油，感覺夠曬香口😱餐湯有甘荀忌廉湯同埋雜菜湯，前者飲落夠哂creamy吾會太稠😇忌廉味濃甘荀味吾會太強烈，後者係酸酸甜甜帶有微辣既羅宋湯，感覺都幾開胃🍅
任食沙律吧（7/10）+$38 沙律吧選擇唔算多，但係基本既都會有，包括沙律菜、鮮蕃茄、西瓜粒、啫喱糖、薯仔沙律，加上粟米粒、荔枝肉等配料🥗
👁🗨 美國頂級西冷牛扒10oz配薯菜（6.5/10）💲218
🥩今次叫左七成熟，呢塊厚身既西冷牛扒，切開呈淡粉紅，稍微乾同鞋左啲，牛味不過不失，可以點下黑椒汁調味，建議大家叫五成熟🙃見到其他人伴碟既係炸薯角，但我呢個薯仔粒好似有點兒失色，外皮唔係脆身嗰種，入面亦都比較生同硬🥔側邊有一大片煙肉包住蘆荀同埋粟米，而挖空既蕃茄裏頭都係用心之作，有溶左既芝士鋪係煙肉、洋蔥、番茄粒粒上面🧀
👁🗨 龍蝦汁海鮮意粉（7/10）💲168
望到好多人都係叫呢個，又即管跟風一試🤔食落個汁係比較清既龍蝦味，個人認為可以再濃少少，海鮮有細蝦、大蝦、青口、八爪魚、魷魚圈，大部份都不過不失，唯獨係大蝦肉質略欠彈性🦐雖則意粉賣相普通，不過軟硬度都尚算唔錯🍝
每個套餐都包一杯飲品，因為我地一開始冇落到，食完主菜嘅時候已經完美地將飲品呢回事遺忘左，好彩店員主動行埋黎提醒我地叫餐飲☕️😂
(左)藍柑檸檬梳打（7/10）+$5 呢杯飲品好吸睛，成杯藍到好似阿凡達咁😂味道就係一般藍檸檬梳打既味道，吾會過酸😇入面有一兩舊柑比你食下咁🤡不過後期發現自己條脷都染上左藍色😦感覺好色素呀😕
(右)荔枝玫瑰梳打（7/10）+$5 聞落都幾香玫瑰味，飲落就濃荔枝味，入面間唔中有啲荔枝果肉，整體係甜左啲，不過鍾意甜野嘅我當然接受到😈呢杯梳打好夠氣，夏天大熱天時飲感覺夠曬爽呀💦
👁🗨 泡沫咖啡慕絲（7.5/10）💲48
最後就順便叫埋個甜品作結，呢個甜品擺盤精緻，首先有一個透明玻璃蓋蓋住，開蓋後碟上有好多乾花🌹面頭係輕盈既泡沫狀忌廉，中間慕絲質感滑身，帶有香濃咖啡味，底層有焦糖脆餅，細細件食完都唔會好膩，估唔到甜品比主菜更出色🍮
🔛 整體評分（7/10）
张贴
