影片
更多
2021-04-30
94 浏览
最近轉咗新工，返工地點由灣仔轉咗去觀塘，對鐘意食野嘅我嚟講絕對係一大喜訊，全因觀塘高質餐廳林立，放工搵食多選擇。難得相約咗一位好耐冇見嘅朋友，當然要搵一間環境舒適安靜方便傾計嘅餐廳。經朋友大力推薦下，就決定試試喺鴻圖大廈嘅法國菜餐廳 Le Monde。餐廳風格簡約，深藍格調嘅門口，加上北歐風嘅裝修風格，喺工廈區出現呢類餐廳嘅感覺係別有洞天，猶如置身酒店餐廳嘅環境。店內環境整潔寬敞且空間感十足，枱與枱之間有足夠空間，同朋友傾計嘅時候私隱度十足。Escargot with Garlic-Parsley Butter and Bread法式香草焗田螺配多士食法國菜必點嘅餐前小食，法式蒜香番茜牛油絕對係呢道小食嘅靈魂。田螺每一啖都散發住香而不膩嘅味道，蒜同番茜嘅味道平衡剛剛好。卜卜脆嘅多士仲可以dip 田螺嘅牛油汁，啖啖邪惡但絕對停唔到口。Tiger Prawn Risotto with Signature Shrimp Sauce秘製虎蝦濃汁意大利飯絕對有驚喜嘅一道Main Course，上碟嘅時候已經聞到香噴噴，秘製嘅虎蝦濃汁不論係嗅覺或者味覺上都係極緻嘅享受。每一啖都係香濃嘅蝦膏味，且濃
最近轉咗新工，返工地點由灣仔轉咗去觀塘，對鐘意食野嘅我嚟講絕對係一大喜訊，全因觀塘高質餐廳林立，放工搵食多選擇。
難得相約咗一位好耐冇見嘅朋友，當然要搵一間環境舒適安靜方便傾計嘅餐廳。經朋友大力推薦下，就決定試試喺鴻圖大廈嘅法國菜餐廳 Le Monde。
餐廳風格簡約，深藍格調嘅門口，加上北歐風嘅裝修風格，喺工廈區出現呢類餐廳嘅感覺係別有洞天，猶如置身酒店餐廳嘅環境。店內環境整潔寬敞且空間感十足，枱與枱之間有足夠空間，同朋友傾計嘅時候私隱度十足。
Escargot with Garlic-Parsley Butter and Bread
法式香草焗田螺配多士
食法國菜必點嘅餐前小食，法式蒜香番茜牛油絕對係呢道小食嘅靈魂。田螺每一啖都散發住香而不膩嘅味道，蒜同番茜嘅味道平衡剛剛好。卜卜脆嘅多士仲可以dip 田螺嘅牛油汁，啖啖邪惡但絕對停唔到口。
Tiger Prawn Risotto with Signature Shrimp Sauce
秘製虎蝦濃汁意大利飯
絕對有驚喜嘅一道Main Course，上碟嘅時候已經聞到香噴噴，秘製嘅虎蝦濃汁
不論係嗅覺或者味覺上都係極緻嘅享受。每一啖都係香濃嘅蝦膏味，且濃汁都均衡地包住每一顆飯粒。而喺香港食到嘅Risotto普遍都係迎合返大眾口味飯粒會煮得偏軟身，而Le Monde嘅Risotto就會相對上彈牙，偏向正宗做法。
Provencal Rack of Lamb
法式普羅旺斯紐西蘭羊架
全晚令我非常滿意嘅一道菜，而且我相信下次再嚟食一定會Encore。 大廚喺擺盤上落足心思別緻精美。口感上羊架外層非常金黃酥脆，內裡肉質細緻幼嫩，Medium 味道同肉質係最佳嘅享受。大蒜牛油以及香草嘅魔力之下，羊嘅羶味不再擾人，令我唔係太喜愛食羊嘅朋友都讚口不絕！
後記：餐廳經理服務周到而且非常健談，言談間得知原來Le Monde係由法國藍帶級大廚主理，香港地果然好多地方都係卧虎藏龍。
张贴
