URBAN Cafe (駱駝漆大廈第一座)

营业中

休息中

想同朋友去Cafe食嘢， 搵到呢間貓Cafe，一入去已經見到有唔同品種嘅貓， 已經好心心眼。 當然，佢餐廳嘅嘅睇落好食先吸引到我。叫咗一份慢煮三文魚扒配蜜糖芥末醬。 本身好鍾意食三文魚扒，但唔係每間餐廳都煮得好食，容易會煮得太耐變韌左。一上菜見到個外表都好吸睛，即刻開胃咗，而且都見到佢煎得幾靚。食落去都幾脆口算係煎得唔錯，即使係配菜嘅薯角同埋啲蔬菜都好好味，我全部都食晒。三文魚扒無煎得太乾， 而且好夾咁配蜜糖芥末醬，比我想像中好食。之後就叫咗份濃厚芝士肉醬千層麵，呢碟就比我想像中一般。佢外表都唔差，但係我會想有更多芝士。肉醬個餡都夠，不過就太多麵粉嘅感覺，層次唔算整到好分明， 有啲似普通肉醬意粉。但係整體味道黎講都不錯。有嘢食梗係要有嘢飲。叫咗養生熱嘅少甜鐵觀音拿鐵， 朋友就叫咗杯凍嘅伯爵茶拿鐵。佢嘅拿鐵都唔係咖啡底， 反而仲啱我飲，飲得出佢嘅茶味幾濃厚，算係可以平衡到奶同茶嘅味道。整體黎講食物嘅味道都唔錯，如果有機會都想試下其他野食。