小火焰韓式咖啡廳 (觀點中心) (已結業)

今日去咗觀塘度做嘢 做完之後梗係要食番餐好嘅慰勞下自己啦 同同事行過商場就入去望下有咩食 見到呢間小火焰 都幾多人食 質素應該有番咁上下 所以就決定入去食下汁燒牛扒飯 少少甜嘅燒汁加上蛋味香濃嘅荷包蛋 清新嘅沙律菜同埋啖啖肉極富牛肉味嘅牛扒 成個配搭都一流 同事果然冇介紹錯芝士炸雞 我同同事都係典型嘅芝士控 所以就一定要叫呢個 價錢唔貴之餘芝士味亦都好濃 雞肉炸咗之後唔乾反而好juicy好嫩滑 值得一讚凍朱古力同出面飲到嘅差唔多 唔太甜 啱曬一眾女士飲芒果布朗尼雪糕 香甜新鮮嘅芒果加上非常甜嘅布朗尼 味道都幾搭配 而且芒果雪糕亦都唔似出面咁得返芒果香精味道