蠔燒

营业中

休息中

前排裕民坊附近開咗間新嘅串燒店，就同朋友去試下；當日平日夜晚去食，都有好多人幫襯食晚餐，同埋間鋪好貼心，每一枱都有一個鐵盤放串燒，店員會幫手點著鐵盤下面嘅蠟燭保溫。👍👍秘製蒜蓉生蠔 隻蠔比想像中大隻，同手掌差唔多咁大，仲要食落唔腥同都幾鮮甜，仲要好juicy，索哂蒜蓉嘅味道，唔怪得係呢間鋪嘅招牌菜。 👍👍蒜蓉粉絲扇貝 扇貝清洗得好乾淨，個size都幾大隻，啲粉絲索哂扇貝同蒜蓉嘅味道。👍燒羊架羊架醃得好夠味，可以辟到羊嘅羶味，同時唔會燒到好乾，都保持到羊架嘅肉汁。👍燒牛舌、雞軟骨、燒雞腎叫一份已經包咗兩串，每一串嘅份量都幾多；每串平均灑滿咗孜然粉同辣粉，所以都好夠味。👍👍燒茄子茄子嘅份量都好多，有勁多蒜蓉鋪咗喺面，好入味，好容易就起到啲茄子肉。👍燒娃娃菜、燒金菇娃娃菜同金菇都燒得好夠味，表面灑滿勁多孜然粉同辣粉。