熊館 (已結業)

今晚想簡簡單單是個麵，黎左屋企附近呢間新開既熊館，位置就係觀塘廣場對面，呢度夜晚8點就拉閘，所以我地已經係最後一枱客人。呢度菜單簡單明瞭，而且價錢唔貴，$38、$48一碗麵。我叫左水煮魚湯麵，阿媽唔食辣，叫左餐牌推介既雞酒麵。另外每人叫左隻花雕滷水雞蛋。首先食花雕滷水蛋，酒味濃郁，入面又夠糖心，而且涼浸浸，非常正。跟住就開始食麵，阿媽大讚個麵有手打麵感覺，雖然唔算彈牙，但咬落係軟腍得黎又唔會粉。份量唔少，啲魚好多。水煮魚完全去骨，係平時食開酸菜魚啲魚。阿媽碗雞酒麵有好多薑，雞量都非常多。呢度有賣埋日本直送零食添。