影片
更多
2009-12-23
36 浏览
呢間利苑, 最近兩個月都去左三, 四次! 第一次食既時候, 覺得呢度既點心真係精緻有料到, 所以去親觀塘飲茶, 利苑絕對係我不二之選!!!呢一日又返返去, 可能都1點鐘晏左少少, 所以都要等等先有位…終於都有位啦, 急不及待想要睇下有咩靚點心 (根本經驗, 佢既點心紙上既items間中會有改動), 由於今日早起身又冇食早餐, 比較肚餓, 所以都兩個人都嗌左幾多點心:棗皇糕: 呢個係我最愛, 次次黎親都必點, 一碟4件, 熱辣辣蒸出黎, 就咁聞都已經有紅棗味, 食落更加濃但又唔會太甜, 煙煙韌韌, 真係無得頂!!!小籠包: 皮算薄, 薄得黎用筷子夾個頂都唔會穿, 入面仲裝住相當份量既肉汁, 唔錯唔錯, 但略嫌細粒左d…金網鍋貼: 本人覺得呢個幾特別, 鍋貼上面加一塊香脆金網, 同煎到脆脆地既鍋貼一齊食, 口感幾得意~糯米雞: 一盅3件, 材料都足夠, 蝦米大大隻, 但係略嫌唔夠乾身, 稔身左, 食唔到糯米飯既煙韌咬感… 蜜汁叉燒腸: 呢度既腸粉都值得一讚! 叉燒, 絕非街外普遍酒樓既叉燒粒, 而係一片片薄身既新鮮半肥瘦叉燒 (出面個d食落好明顯係之前淨落既), 而且蜜汁甜味足夠, 又夠香
呢一日又返返去, 可能都1點鐘晏左少少, 所以都要等等先有位…
終於都有位啦, 急不及待想要睇下有咩靚點心 (根本經驗, 佢既點心紙上既items間中會有改動), 由於今日早起身又冇食早餐, 比較肚餓, 所以都兩個人都嗌左幾多點心:
棗皇糕: 呢個係我最愛, 次次黎親都必點, 一碟4件, 熱辣辣蒸出黎, 就咁聞都已經有紅棗味, 食落更加濃但又唔會太甜, 煙煙韌韌, 真係無得頂!!!
小籠包: 皮算薄, 薄得黎用筷子夾個頂都唔會穿, 入面仲裝住相當份量既肉汁, 唔錯唔錯, 但略嫌細粒左d…
金網鍋貼: 本人覺得呢個幾特別, 鍋貼上面加一塊香脆金網, 同煎到脆脆地既鍋貼一齊食, 口感幾得意~
糯米雞: 一盅3件, 材料都足夠, 蝦米大大隻, 但係略嫌唔夠乾身, 稔身左, 食唔到糯米飯既煙韌咬感…
蜜汁叉燒腸: 呢度既腸粉都值得一讚! 叉燒, 絕非街外普遍酒樓既叉燒粒, 而係一片片薄身既新鮮半肥瘦叉燒 (出面個d食落好明顯係之前淨落既), 而且蜜汁甜味足夠, 又夠香口, 加上腸粉皮唔會太厚, 但又唔會薄到”霉”哂, 抵讚!
唯一美足既係, 第二致愛”雪山流沙包”售罄, 呢款唔係成日有, 今次見到即刻order都可惜太遲…. 下次一定要食返先得!!
至於服務方面, 呢度既員工由reception到waitress/waiter都幾殷勤有禮, 一入門口即問你貴姓, 稱呼客人都係x先生/小姐, 呢一樣可能出面酒店既餐廳/中菜廳都未必做到!
總括黎講, 呢度既點心精緻, 味道都幾好, 環境唔錯, 唔會好逼, 食到同人背脊對背脊, 唔錯唔錯~~~
张贴