Dodam Chicken (1亞太中心) (已結業)

觀塘市中心一帶一向食肆林立，但係附近嘅塞車塞人問題眾所周知，要喺觀塘覓食都唔係咁容易，千萬要避開高危地帶包括APM一帶，及駿業里附近。但係呢兩者中間嘅亞太中心反而人流相對較少，亦都唔使等咁耐位，最近開咗間韓國烤雞店Dodam Chicken，店舖風格極現代化，食下韓式烤雞，韓式炒粉絲，懷緬下過往係韓國旅行嘅日子。朝聖公雞logo，打卡位之一。Cozy and spacious ！愜意舒適，極具空間感！Modern 得來又帶點歐陸風格，乃後現代風格之集成。Original Chicken$182，原味一定係最正，夠raw夠plain。店員將雞件放上枱時，原隻雞翼雞鎚呈現在眼前，視覺效果震撼。雞皮香脆，肉質嫩滑，越食越滋味，簡直停唔到口。Bulgogi Noodle$158，韓式牛肉炒粗粉絲，我一向都愛食韓式粉絲，咬口非常堅韌，配上爆多韓式醬汁的牛肉，十分惹味。