岩鹽咸豬肉拼皮蛋醬生菜包 配蒸刈包
賣相好吸引，豬肉肥瘦分明，外層烤過香脆惹味，本身都驚會好滯，但配新鮮生菜同特製嘅皮蛋醬，真係別有一番滋味。蒸刈包好軟熟同香，甜甜的好好味。朋友本身都唔食皮蛋，但都接受到個醬，淡淡既皮蛋味中和左五花肉嘅肥膩，亦都豐富左個味道。
無辣鹽酥脆炸雞
🤤🤤🤤個炸雞真係好好食，個皮真係好香脆，但唔厚，食到啖啖嫩滑多汁嘅雞肉。份量黎講一大一細，一舊雞胸，一舊雞髀加雞翼，仲要跟一大碗滷肉飯，真係絕對份量十足
每個套餐都配三款小茶，包括脆花生、梅漬涼瓜、 同漬牛膀同魯肉青菜或杞子燙青菜，再跟甜品小泡芙兩粒，超抵食！
