頂好原味道1990 (中海日升中心) (已結業)

冇得出外旅遊對台灣嘢特別啲想念， 今次就 試下呢間台灣老字號，頂好原味道1990， 就喺觀塘日昇中心，駿業熟食市場斜對面。其實之前喺中環見到好多人食，因為趕時間冇食到，原來觀塘同將軍澳都有鋪呀😁，方便我d九龍人啦。餐牌嘅選擇有好多， 店員介紹原來鹵水汁同埋辣椒油都係由台灣直送到港， 咁我就試下佢個一人晚餐， 《五更長旺》$62 （麻辣鴨血、肥腸、豆腐、酸菜）， 配一款小食我揀咗涼拌豆干海帶絲，面食就揀咗蒸煮麵。 食物好快就上枱喇，鹵水汁由台灣空運送到， 鹵水味道惹味， 加埋辣椒油香味十足，同滷味配起嚟真係好夾😍 鴨血大件厚肉又滑嫩 ，吸滿湯汁精華，咬落夠juicy， 肥腸Q彈爽滑，特別有嚼頭。滷蛋肉燥雞髀飯真係成碗都鋪滿肉燥，雞髀又大隻，肉燥又足料又多，不知不覺好快就食曬成碗😆鹽酥雞綜合拼盤綜合拼盤真係啱曬我哋，樣樣都有啲（ 鹽酥雞、手工香腸、百頁豆腐、甜不辣 ），咩都可以試到，最鍾意就係個鹽酥百頁豆腐同埋甜不辣， 煙煙靭靭，好好食👍🏼最後梗係要飲番兩杯台式飲品啦我哋就揀咗珍珠鮮奶茶同埋冬瓜茶👍🏼