海鮮拼盤
呢個套餐仲送一份海鮮拼盤，入面有白鱔片、鮑魚、扇貝同埋火鍋用嘅蠔。個人就係最鍾意佢嘅白鱔片，夠晒厚身同埋肥美啊🐟
澳洲和牛牛丸
呢個真係必食推介，牛丸勁Juicy同埋牛味濃郁！可惜每人得兩粒咋，好食到覺得唔夠喉🙈
鍋底
我哋嗌咗兩款期間限定嘅鍋底🍲 聰明魷魚沙茶鍋用上沙茶醬同埋芝麻醬，個湯滾起咗之後就可以加入木魚碎同埋韭菜，兩款配牛肉都超正，入面仲有魷魚同埋蜆㗎。另一款鍋底係養生菇菌燉雞鍋，入面有菇菌嘅鮮甜，同埋有蟲草花龍眼等等嘅食材，真係冇改錯名，夠晒養生啊🍄🟫
肉類
呢個餐嘅回本之選一定係日本黑毛和牛A4+同埋伊比利亞黑毛豬梅肉，兩款我哋都encore咗好多次啊🤪 黑毛和牛油花十足，入口勁嫩滑🐮 黑毛豬梅肉幾爽彈。另外呢個套餐仲包括咗其他套餐嘅肉類，其他肉類都幾高質，加埋都有好多選擇🥩
海鮮
除咗海鮮拼盤嘅海鮮之外，仲可以用QR code任食其他海鮮，包括有鮮甜嘅鮑魚、台灣鱸魚片、蟹籽蝦滑、爽脆鱔片、脆肉鯇魚腩同埋鮮甜海蝦都有供應🦐 當中台灣嘅鱸魚片都幾爽彈。
懷舊系列
呢個期間限定嘅系列好有特色，個人最愛蝦蝦霸霸脆多士🍞 蝦多士唔會太淋油，外層炸到勁酥脆。海苔鹽酥雞更加有風味，三和夜市雞皮卷勁有驚喜。阿嬷豆乾魚蓉麵用上永樂「素魚茸麵」，用蔥油撈勻都幾幾掛汁🍜
火鍋配料
外面有自助吧，可以任攞蔬菜、丸類等等嘅食物。全部食物都係排列整齊，而且有name tag清楚標明食物名稱😙 仲可以用QR code落單嗌我鍾意食嘅瓜仔雞水餃，夠晒飽滿🥟
小食
日本和牛橘梨伴豆腐係個幾創新嘅菜式，豆腐上面有和牛碎同埋橘梨，有豐富嘅油脂感之餘仲帶點清新🍊 仲有即食嘅鮑魚，更有三款特別嘅口味，古法醉鮑魚、美乃滋鮑魚酥同埋柚子燒汁鮑魚。我地仲試咗酒糟嫩牛舌、私房鴨血、豐原排骨酥同埋即炸午餐肉😎
飲品
外面自助吧有無糖茶同埋汽水任飲，我哋個套餐仲有生啤任飲㗎，另外港式檸檬茶18+都好特別，有錫蘭紅茶同埋檸檬汁，更重要嘅係加咗vodka，將港式風味嘅凍檸茶變成有酒精嘅版本🤪 我哋另外仲試咗好Fresh嘅芒檸蜜西米爽，入面仲有增加口感嘅西米。
呢餐同之前嚟食牛大人比，多咗好多款新嘢，我覺得有蝦多士同新嘅期間限定鍋底都好有驚喜😋 唔知下次再嚟又會有咩新嘢呢😂
117
