Be Leaf (已結業)

觀塘一間半開放式、渡假風cafe——Be leaf🛖，木系的裝潢，夢幻花式拱門、波希米亞風藤椅，再配合各種綠色植物、乾花，令餐廳充滿異國風情，好似去左一趟旅行🧳 餐廳空間大，可以同時容納到一定數量既食客，所以等位方面唔算耐，不過相對坐得比較密。而半露天嘅座位係pet friendly嘅區域，可以帶埋寵物去打卡留念～ 食物類型，主要以西式fusion為主，應有盡有，味道黎講，屬於中上水準，特別推介蒜香欖菜鮮蝦意大利麵，蝦肉新鮮彈牙，麵身唔會太油而保留到蒜香欖菜既滋味～ 相反，熱門既梳乎厘班較，無論賣相同味道都同期望都有啲差距；質感唔夠鬆軟，味道比較平淡～ 整體而言，餐廳裝修、食物水平算唔錯，但如果想chill住坐得舒服，未必係最佳之選～