影片
更多
2016-12-20
1481 浏览
約了在九龍灣上班的同事敘舊，順便交換吓公司情報。同事提議去觀塘商廈的《LM Café》吃晚飯，原來佢之前曾經和朋友到訪過，覺得店子食物唔錯，而且經濟抵食，所以想帶我一試。餐廳座落於駿業街中海日升中心地下，店內地方比想像中大，空間相當闊落，樓底特高，環境舒服。尤其是店面採用落地玻璃設計，感覺開揚又不侷促，配上木檯、吊燈和花磚地板，裝潢亮麗吸睛。安頓後先拿起厚厚的餐簿細閱，有常餐、撈丁餐、意粉餐、麻辣湯麵、焗飯、鐵板餐、流心奄列餐、精選晚餐、韓式鐵鍋珍珠飯餐、湯、沙律、小食、飲品、窩夫、木糠布甸、提拉米蘇及班戟餐等等，選擇勁豐富；而且全部幾十蚊就有交易，果然夠經濟。筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 7 隻，外皮烤得唔算香脆，不過入面雞肉很滑，而且完全沒有一點多餘脂肪，配上蜜糖，能提味之餘，亦減少了雞翼的油膩感。主食方面，我揀咗客港式茶檔食物，蔥油雞扒撈丁餐 ($42)，而同事就點了韓式鐵鍋珍珠飯餐。雞扒撈丁率先送上，挾起麵條一試，麵質稍軟，而且唔夠乾身，蔥油分量亦不多；幸好雞扒煎得唔錯，表面呈金黃
餐廳座落於駿業街中海日升中心地下，店內地方比想像中大，空間相當闊落，樓底特高，環境舒服。尤其是店面採用落地玻璃設計，感覺開揚又不侷促，配上木檯、吊燈和花磚地板，裝潢亮麗吸睛。
安頓後先拿起厚厚的餐簿細閱，有常餐、撈丁餐、意粉餐、麻辣湯麵、焗飯、鐵板餐、流心奄列餐、精選晚餐、韓式鐵鍋珍珠飯餐、湯、沙律、小食、飲品、窩夫、木糠布甸、提拉米蘇及班戟餐等等，選擇勁豐富；而且全部幾十蚊就有交易，果然夠經濟。
筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 7 隻，外皮烤得唔算香脆，不過入面雞肉很滑，而且完全沒有一點多餘脂肪，配上蜜糖，能提味之餘，亦減少了雞翼的油膩感。
主食方面，我揀咗客港式茶檔食物，蔥油雞扒撈丁餐 ($42)，而同事就點了韓式鐵鍋珍珠飯餐。雞扒撈丁率先送上，挾起麵條一試，麵質稍軟，而且唔夠乾身，蔥油分量亦不多；幸好雞扒煎得唔錯，表面呈金黃微焦，而且入口皮脆肉嫩，啖啖肉，加上惹味的甜醬油，食味亦不俗。
至於同事點的韓式鐵鍋珍珠飯晚餐 ($50)，初頭還以為是以鑊仔盛載，原來這客珍珠飯是用一個圓形鐵板呈現，淋上燒汁的米飯，旁邊配上鬆軟滋味的豬頸肉、幾粒炸帶子和一撮泡菜，分量十足。帶子雖然是雪藏貨，但入口沒有雪味，而且吃時熱辣辣，香脆可口；加上酸辣微爽的泡菜、黏身卻帶點煙韌的飯粒，惹味好吃。
我倆都是窩夫粉絲，見鄰桌食客點嘅 Your Waffle ($48)，賣相甚有睇頭，所以亦二話不說，立即跟風點了一客。窩夫共有四款口味，包括有原味、朱古力、芝士、綠茶，另外亦可以加配雪糕、醬料同配料。點了原味窩夫、比利時朱古力雪糕、藍莓醬和紅豆。窩夫非常厚身，而且分量十足，有四件咁多，面頭澆上藍莓醬，賣相吸引。立刻切開一試，窩夫外脆內軟，蛋香味十足，應該幾適合喜愛窩夫有咬口嘅朋友，加上香濃的朱古力雪糕和大大粒的紅豆，口感豐富。
沒試同事的凍咖啡 (跟餐 +$2)，而我就點了杯雪糕紅豆冰 (跟餐 +$16) 作結，紅豆夠曬大粒，不過就稍嫌略欠腍綿，幸好入面的雲呢嗱雪糕，既軟滑又香甜，入口透心涼，吃下啖啖滿足。整體來說，食物唔錯，而且坐得甚舒服，加上價錢夠親民，難怪就當晚所見，食客亦絡繹不絕。
张贴
