🍔 今次試咗招牌漢堡餐，漢堡塊牛扒啖啖肉味，超Juicy又夠大塊，咬落去有小驚喜，配菜水果沙律都幾新鮮，份量可以講係誇張咁大，差啲食唔晒，大件夾抵！同行朋友分別食咗豬扒意粉同埋冷麵，份量都係夠哂霸氣，啱晒大胃王，下晝唔洗再食嘢。
💸 以Lunch set價錢嚟講絕對合理，唔使一百蚊有交易，性價比算高，食完包保夠飽夠滿足。
🪑 店舖地方大，不過午市多人，坐落會有啲嘈雜，唔啱想靜靜哋嘆餐飯嘅你，但同事飯局絕對適合，可以盡情傾偈。
👨🍳 服務方面唔算突出，但都應有盡有，叫野飲加水都OK，出菜速度尚可。
⭐ 食物質素：3.5/5
⭐ 整體推薦：3.5/5
⭐ 約會/聚會：3/5（返工Lunch、同事飯局之選）
⭐ 回訪指數：4/5（鐘意大份快餐，會考慮再來）
總結：Factory 99真係觀塘區打工仔飯堂，份量大，性價比都OK，想食個抵食又夠飽嘅Lunch，呢度可以Keep住黎！食物有驚喜，不過環境始終比較嘈，適合一大班朋友或同事一齊嚟快餐，如果有機會會再試其他主食。
1
