影片
更多
2018-06-14
21 浏览
如果你都係係觀塘返工既打工仔一族，我相信你絕對會明白食晏時既痛苦有一種痛苦叫「周圍都係餐廳，但距離個飯可以放到落口仲有一段時間，因為必先要經過一輪候座時間」每次一team人想出去食飯，就更加難搞，唔想飲茶係唯一選擇，唔通只有book d貴少少既西餐廳？今日因爲team lunch，我地可以多少少時間，所以行遠左少少，一班人行左去近住駱駝漆個邊既工廈二樓西餐廳，可愛既同事仔一早book左位～門口其實有d隱閉，唔小心經過左都唔係好覺佢只係有幾幅唔係好相關但又幾得意既畫做裝飾，第一個印象係木系設計比到家的感覺望返轉頭條樓梯都掛左畫，設計簡單但不失心意。點知一黎到門口，用草屏做裝飾家的感覺迅間消失，變得魔幻，就似Alice in the wonderland,時空轉移咁 紫色既大門仲貼左好多明星到訪既相，個刻會覺得應該都唔太差1:15黎到，已經坐爆場，好彩book左位，被安排坐係一張近沙律吧既長枱！Menu設計得幾靚，簡單清楚分星期一，三，五既左邊lunch menu，同埋星期二，四既右邊menu；每個menu都包一杯餐飲，不過如果想要湯同包就要另外加$10。套餐由$5x-$138，價錢叫做幾
有一種痛苦叫「周圍都係餐廳，但距離個飯可以放到落口仲有一段時間，因為必先要經過一輪候座時間」
每次一team人想出去食飯，就更加難搞，唔想飲茶係唯一選擇，唔通只有book d貴少少既西餐廳？
今日因爲team lunch，我地可以多少少時間，所以行遠左少少，一班人行左去近住駱駝漆個邊既工廈二樓西餐廳，可愛既同事仔一早book左位～
門口其實有d隱閉，唔小心經過左都唔係好覺
佢只係有幾幅唔係好相關但又幾得意既畫做裝飾，第一個印象係木系設計比到家的感覺
望返轉頭條樓梯都掛左畫，設計簡單但不失心意。點知一黎到門口，用草屏做裝飾
家的感覺迅間消失，變得魔幻，就似Alice in the wonderland,時空轉移咁紫色既大門仲貼左好多明星到訪既相，個刻會覺得應該都唔太差
1:15黎到，已經坐爆場，好彩book左位，被安排坐係一張近沙律吧既長枱！
Menu設計得幾靚，簡單清楚
分星期一，三，五既左邊lunch menu，同埋星期二，四既右邊menu；每個menu都包一杯餐飲，不過如果想要湯同包就要另外加$10。
套餐由$5x-$138，價錢叫做幾抵食喇！
對比其他係觀塘既西餐廳，食過最平都$80起。
.
食飯時間唔多，有選擇困難既我好快都做左決定，選擇左A5餐，加左錢跟餐湯餐包。
而係我哋隔離嘅自助沙律吧，如果想食就要全台一齊每人加＄10
睇到啲款式只係有啲沙律菜，粟米粒，蕃茄粒，啫喱糖，感覺就唔算好特別，款式唔算多，勝在佢唔貴，不過忙碌打工仔就冇時間喺度慢慢食喇，留返下次有機會再試！
餐湯餐包大約5分鐘就到，南瓜忌廉湯同羅宋湯我揀左前者。
南瓜忌廉湯
用淡忌廉畫花裝飾其實好容易，不過好多西餐廳都唔在意呢d小細節，簡單一個動作足以知道廚師既態度。南瓜忌廉湯熱辣辣，好creamy
不過南瓜味比我預期少，更多既係粟米忌廉湯既味，好驚喜！奶味比較重，又甜甜地，好香滑，唔係叫價罐頭貨色，值得一讚！
餐包同樣有驚喜！
平平無奇既餐包款竟然隱藏提子乾，真係估唔到！
餐包微微暖，無烘到個面好乾，受熱平均，重點係成個都好鬆軟，撕開一半氣孔密度高，好軟熟，味道甜甜地，我將個包放湯，吸盡南瓜湯既奶香精華仲正！配比客人既仲要係中價Anchor牛油，好窩心！.
主菜前後等左大約10分鐘都到，以場內人數同出菜速度，其實值得表揚。
香煎帶皮鯰魚柳配薯蓉沙律跟酸辣波椒汁 $64
金黃色比手掌要長1/3既魚柳比我想像中大塊！伴以一堆沙律菜，薯蓉同埋酸辣波椒汁，個擺碟絕對比過心思！先試一試主角鯰魚柳
外皮煎到香脆，但絕對唔油，魚肉嫩滑，容易切開，仲睇到魚柳既紋路！
調味出色，我覺得岩岩好，不過同事試左一細口話有d咸，比埋檸檬你驚客人覺得腥，不過想講魚柳既唔腥又無雪味。薯蓉倒係有少少失望
雖則都滑，不過似係混左薯粉開出黎而唔係薯仔打出黎，味道就多左少少即食薯蓉既感覺。沙律菜好新鮮，青綠無黃葉，食落好清脆，配黑醋係隱陣之選，不過個汁少左創意。
配埋細細碟既酸辣波椒汁
似落左d青木瓜絲，將波椒切粒，混d白醋同蜜糖，酸酸甜甜幾開胃，我諗可能預客人配魚食，不過配魚我又覺得唔太match，但就咁食又好好食！食到差唔多嘅時候，我哋就叫咗餐飲，餐飲選擇都幾多
咖啡，茶，果汁都有。熱咖啡加＄5我就揀咗熱朱古力咖啡
有個問題都幾搞笑，唔知點解有朱古力咖啡但係冇熱朱古力供應...不過唔緊要啦。餐飲一齊上，幾個同事叫咗幾杯熱朱古力咖啡，每杯都有唔同嘅可可粉裝飾，呢樣其實真係好驚喜， 細節位做到足。
朱古力咖啡嘅朱古力味其實就唔算好濃，唔係好甜。咖啡味都唔係特別濃，杯飲品整體上一般，勝在誠意滿分！
.
我印象中魔膳廚房應該裝修過，對上一次嚟過，嗰時好似叫魔膳工房，印象就唔太深刻。
不過講返今次一個鐘頭嘅午餐經歷，整體嘅評價我會比正面
環境方面，地方大，座位多，但係坐得唔迫，門口到室內嘅裝修都令我覺得餐廳係有細心佈置過。
食物方面，唔係每一樣我都比到滿分，但係總體來講，以咁既價錢，咁嘅質素，款式嘅數量選擇，絕對係性價比高
服務方面， 可能因為lunch時間，除咗安排入座，落單同埋會清理桌上食完既碟之外，其實就真係比較少接觸，不過侍應忙緊嘅時候佢哋都有求必應，例如我哋希望影張合照，佢哋都好樂意。
魔膳廚房，未必會係街外人嘅一個選擇，始終地方唔算就腳，唔係九龍旺角尖沙咀嗰啲中間地區，但係如果你係觀塘或者附近返工，呢間餐廳絕對值得推介！
张贴
