影片
更多
2022-10-14
1004 浏览
《漁吉海鮮丼專門店 - 觀塘》呢兩日工作日程都勁趕，成日都搞到三四點先有時間去食飯so sad 🥲特別係今日，忙到連lunch都係得九個字食，唯有買外賣番studio拿拿聲食完趕埋啲工作啦🥹同事推介我去旁邊工廠大廈既一間魚生飯店買丼飯，原來係佢地經常去既飯堂黎既，咁我未試過又唔知有咩叫，所以就由我做外賣仔順便望下有咩簡啦😎我就一共叫左兩個海鮮丼：💁🏻♀️三文魚親子丼 $148又係本是同根生系列😂同事話呢個丼份量幾足同埋有好多魚子🤔的確，丼飯入面既三文魚好多而且幾厚身，我同同事交換左一半既三文魚同魚子，魚子粒粒都卜卜脆，唔會有腥味😋夾埋飯食好開胃，而三文魚處理得都幾好，唔會有雪味或者怪味，同埋件件厚身，感覺唔錯👍🏻💁🏻♀️比目帆立丼 $158我雖然都幾鍾意三文魚🍣不過近期多左個新寵❤️就係比目魚啦😆如果處理得好的話，比目魚既油香分分鐘勁過呑拿魚呀😋丼飯入面既比目魚都有四五片架，師傅應該用火槍燒過，表面帶有焦香同魚油脂，點少少豉油已經好好味👍🏻另外帆立貝都有四大片架，件件都肥大肉厚，都幾鮮既，同埋我特別鍾意佢個玉子燒唔會太甜，你知架啦，坊間有啲玉子燒好似浸左糖水咁架嘛🤪呢個玉子燒上面仲要有店
呢兩日工作日程都勁趕，成日都搞到三四點先有時間去食飯so sad 🥲特別係今日，忙到連lunch都係得九個字食，唯有買外賣番studio拿拿聲食完趕埋啲工作啦🥹同事推介我去旁邊工廠大廈既一間魚生飯店買丼飯，原來係佢地經常去既飯堂黎既，咁我未試過又唔知有咩叫，所以就由我做外賣仔順便望下有咩簡啦😎我就一共叫左兩個海鮮丼：
💁🏻♀️三文魚親子丼 $148
又係本是同根生系列😂同事話呢個丼份量幾足同埋有好多魚子🤔的確，丼飯入面既三文魚好多而且幾厚身，我同同事交換左一半既三文魚同魚子，魚子粒粒都卜卜脆，唔會有腥味😋夾埋飯食好開胃，而三文魚處理得都幾好，唔會有雪味或者怪味，同埋件件厚身，感覺唔錯👍🏻
💁🏻♀️比目帆立丼 $158
我雖然都幾鍾意三文魚🍣不過近期多左個新寵❤️就係比目魚啦😆如果處理得好的話，比目魚既油香分分鐘勁過呑拿魚呀😋丼飯入面既比目魚都有四五片架，師傅應該用火槍燒過，表面帶有焦香同魚油脂，點少少豉油已經好好味👍🏻另外帆立貝都有四大片架，件件都肥大肉厚，都幾鮮既，同埋我特別鍾意佢個玉子燒唔會太甜，你知架啦，坊間有啲玉子燒好似浸左糖水咁架嘛🤪呢個玉子燒上面仲要有店舖自己個名架🤓好得意
呢間海鮮丼水準其實都幾高，價錢喺呢區既工業大廈黎講唔算係特別平，不過一分錢一分貨啦，我覺得質素係高既😎以後諗唔到食咩時都可以黎食魚生飯🤓
张贴
