龍鳳號 (已結業)

觀塘區最近開左間主打食台灣菜既餐廳，餐廳位置頗多和闊落，牆上的「龍」裝飾頗有睇頭和霸氣！餐牌上選擇非常多，選擇困難症頓時又黎喇！飲品佢地係樽上的，個樽外觀都幾有古早味，影相唔錯！叫左黑糖冬瓜茶同桂花胎菊蜜各一 $28/枝。兩枝飲品都幾好飲，雖然冬瓜茶用左黑糖去煮，但唔會太甜，冬瓜味突出；桂花胎菊就比較香甜滋潤。古早味魯肉飯 $38面頭佈滿切粒既半肥瘦腩肉，醬汁味道較為偏甜，建議可調輕返少少，入口油潤感足夠，配上軟糯既珍珠米很下飯。醬燒茄子 $38每件茄子面頭都加上醬汁和香蒜，食落很惹味。秘製炸大雞腿 $46其實係大雞腿切開三件，外皮炸得香脆，保持到肉汁，經醃過的雞肉偏似香茅味，唔太岩我口味，同行友人就覺得好食！虎咬豬 （刈包）$36呢個包稍稍失色，中間夾住的滷五花腩肉肉質夠腍，但醬汁味道偏淡又唔夠入味，一般吧。仙草凍 & 檸檬愛玉冰 $38仙草凍仙草份量不少，當中的芋圓煙煙韌韌都幾好食；反而愛玉冰既愛玉食落唔夠軟嫩，質感稍硬，有點可惜。