龍鳳號 (已結業)

喺觀塘區想食台灣菜，原來除咗阿元來了之外，仲有呢間龍鳳號都唔錯㗎喎😋我叫咗個古早味滷肉飯🍚，用嘅係五花肉同埋肉粒，因為有五花肉🐖，所以口感食落去就會淋啲，感覺都唔會太肥，碗飯好大碗啊，我都食唔晒🤭另外叫咗個宜蘭蔥肉煎餅🥞，第一次食呢樣野，個外皮煎得好脆👍🏻，一咬開有肉汁爆出嚟㗎😯，入面就有豬肉同埋蔥，幾香口😋不過兩樣嘢食都比較偏鹹🙊，平時如果食開淡口味嘅，就可能會覺得太鹹喇飲品方面，有好多款唔同嘅養生飲品🥤，我就揀咗桂花胎菊蜜🌼甜品佢哋仲有台式刨冰🍧同埋芋圓仙草，不過我實在太飽所以就冇食到喇😣