金燒居酒屋 (已結業)

因為趕住返學, 所以係附近搵食. 見到餐牌, 價錢唔算貴, 就即本一試, 門口整潔, 地方唔算大, 但感覺舒服, 坐位亦算寬敞, 仲有部質素ok既電視機. 我地叫左一個雜菜火鍋, 一客薄燒牛肉定食, 一客燒豬頸肉, 份量適中, 雜菜火鍋賣相要好, 火力十足, 湯底濃而不濁, 薄牛肉亦ok, 配菜, 湯都好味, 豬頸肉較平時食既薄身d, 但肉質及味道亦非常不錯. 除食物外, 服務亦一流, 反應快, 又有禮貌, 洗手間亦非常乾淨, 一定會再黎食多餐, 下次要試魚生!!!