緣味小聚 (93WYS) (已改名) 查看

作為海鮮控嘅我，趁放假就梗係約埋個朋友同我去試位於觀塘偉業街嘅緣味小聚食海鮮蒸氣鍋啦！呢度最吸引我嘅係有180分鐘任食，同埋佢呢間都幾高評價！一上枱就係海鮮盛盤！淨係呢個海鮮盛盤已經抵返晒！一開始我哋就梗係蒸咗厚肉龍蝦先啦，龍蝦肉精瑩通透，肉質鮮嫩香甜，口感超爽！真係驚喜連連，蒸帶子又係夠晒肥美，鮮甜味十足！咁我同朋友仔決定粥底火鍋就揀咗養生之滋補鍋煲海鮮粥，好清甜而且暖笠笠！任食果part我哋叫得最多係安格斯牛肩胛同埋澳洲M5和牛，因為d牛實在太靚又高質，肉質都十分鮮嫩！