串燒屋

营业中

休息中

睇openrice知道觀塘原來有間食串燒嘅放題，咁啱今日喺觀塘就第一時間走去試，雖然今次一個人去食但係食到絕對好滿足。呢度嘅嘢食主要分三大類，分別係網燒、串燒及炸物。一開始我先揀炸物，因為唔使自己煮及等，即刻可以食，飽咗第一輪先。炸物我點咗吉列炸生蠔、吉列墨魚角、吉列炸蝦、炸蝦餅、粟米墨魚餅、唐揚雞塊及炸雞翼，每款點一件就夠，因為即叫即炸嘅關係，每一件都熱辣辣超好味。跟住網燒我揀咗蒜蓉烤蠔、蒜蓉烤青口、蒜蓉燒茄子、安格斯牛肩肉片、日本漢堡扒、美國特級牛仔骨及香草羊架。牛仔骨、牛肩肉、漢堡扒、羊架好新鮮，食得出本身嘅口感及味道。烤蠔、烤青口及燒茄子就絕對值得推介，茄子超厚身超大條，吸曬蒜蓉嘅味道正。蠔及青口係黐住個殼代表新鮮係必叫之選。最後串燒點咗美國穀飼牛肋條、美國穀飼牛西冷、厚切牛舌、蜜汁叉燒豬柳、午餐肉、海蝦、原味雞中翼、爽口雞腎。串燒放喺爐上自己轉到咁上下時間就可以攞嚟食絕對方便，最緊要每樣材料都用心製作。最後提提大家，呢度每人會有一隻新鮮元貝，而飲品、雪糕、啫喱等等嘅甜品就任揀任食。