平民扒房@友蠔食 (已結業)

最近通菜街開咗一間新嘅餐廳，算唔算係新餐廳呢🤔😂？佢係位於通菜街27韓川入面嘅閣樓 - 平民扒房@友蠔食。呢間餐廳嘅價錢真係好平民，四百幾蚊就可以又食海鮮又食牛，而且質素都唔差😎。。一個二人餐已經包括左生蠔海蝦等海鮮，另外仲可以揀兩款煮食及兩款小食🤪。除此之外，仲可以揀多兩杯飲品。價錢都幾親民，而呢個價錢來講CP值幾高👍🏻。。海鮮拼盤本身已經有生蠔蜆肉青口帶子等等，如果唔夠嘅話另外仲可以加錢追加更多嘅生蠔，或者海膽龍蝦，我都選擇左加多$108追加六隻生蠔😋。一大盤海鮮上到嚟，擺碟都幾靚。食落海鮮都幾新鮮唔錯，雖然啲海鮮唔係非常之大隻，但係新鮮先係最重要😆，呢個價錢食到生蠔同埋其他咁多嘅海鮮，CP值真係勁高🙈。。而Main方面，我叫左牛板腱同忌廉意粉。牛板腱肉質好軟嫩，而且好有牛味😋。可以享受下自己烹調牛肉嘅同時，又可以食到一個質素唔錯嘅肉，CP值都算幾好😁。呢而意粉，松露什菌味十分濃郁，好creamy，意粉嘅口感亦都好Q彈，不錯👍🏻。