老掌櫃東北菜館 (已搬遷) 新店位置

聽說晚上吃飯要排隊，相信一定有佢過人之處，咁啱今日中午經開大角咀，就抽空來試下。嘩，鋪面玻璃貼滿各種各樣嘅拿手小菜，好似好吸引咁喎。午市時間，估唔到都咁多人，好彩我得壹位，好快就搵到個位坐。我望一望個餐牌，其實真係好多嘢食，不過，晏晝一個人，梗係揀午餐啦，經濟又實惠。因為最近減肥進行中，所以都唔敢食太多肥膩野，揀咗最清淡嘅餃子餐，餃子餐有八種。今日食嘅係肉三鮮。個餡料係豬肉、韭菜、蝦仁。餃子皮好薄，沾上醋同辣椒醬，特別惹味。跟餐加$4有豆漿一杯。