定食8 (已結業)

琴晚帶男朋友黎食呢間佢未食過既日本餐廳。炸天婦羅拼盤烏冬$58炸天婦羅拼盤有兩條大蝦，兩隻天葵，一個茄子同一塊蟹柳，份量都幾足👍天婦羅岩岩炸起，所以好香脆，炸蝦超大條烏冬都幾滑，軟硬適中，有半隻糖心蛋，同勁多我至愛既栗米粒🙈一set 仲有即食海帶做前菜，同一粒泡芙做甜品。湯底都幾辣又幾好味，一啖湯一啖烏冬，熱辣辣，好正☺️☺️雞唐揚烏冬 $58推薦食雞唐揚，因為d 雞塊係醃過黎，食落外脆內軟同好有味😋😋5 塊大大舊，同烏冬一齊食又得，當小食都得😂總結黎講，$58一set 加埋一都係$64, 食物都幾足料，有主食，前菜，小食樣樣都有，飯任食，麵豉湯任飲，沙律菜任拎，味道又過到關，以晚餐黎計都算親民。