好媽媽台灣館 (已結業)

雙拼滷肉飯套餐 $50有三種滷水可以揀，我揀咗雞翼同大腸。兩款都好入味，雞翼滷得好稔之餘又唔會散晒，大腸好有咬口！而飯係白飯，有肉燥喺面。鹽水土雞套餐$73鹽水雞有好地道風味，一擺入口覺得去咗台灣夜市咁，我覺得比台灣嘅整得更加好味！鹽水嗰隻味好入味，有肉食而且唔韌，唔係淨係得啲骨，配埋青瓜好開胃，即刻爬多兩啖飯。跟餐有台式飲品一杯，單點都要廿幾三十蚊，而且質素好好，甜度適中，有紅茶味，奶泡係驚喜！😋最後仲送甜品——芋圓，好有咬口之餘食得出有芋頭、番薯同紫薯嘅味道。