極尚大瀛喜日本料理 (已結業)

有得揀至先至係老闆！依間日式放題餐廳係愛其中一間幾鍾意的，食物選擇多樣化，價錢又唔太貴，所以同朋友黎慶祝生日食飯岩哂！飲品有凍有熱，凍飲由果汁、水、茶、而至啤酒都有，應有盡有呀！甜品除左雪糕雪條，仲有健康既豆腐花及乳酪。仲要玩下既仲可以自己動手「吱」雪糕，加上自己鐘意既雪糕配料。刺身新鮮款式又多，當中刺身蝦已經有三種：甜蝦、虎蝦、珍寶大赤蝦。刺身又厚又大件，入口相當有口感！壽司同卷物相對較細件，每款食一舊都唔怕會撐飽個胃喇！燒菠蘿外層燒的乾脆，咬落juicy，果味非常濃郁。飲咗太多刺身，又食左雪糕....食到人都覺得凍凍地，就叫左碗烏冬食暖下胃。烏冬麵條適中，咬落煙靭，湯地清清地，都幾好味。