越食 (景林街市) (已結業)

經過景林街市見新裝修幾靚仲有條食街，行左入去睇下有乜食。最終決定買呢間"越食" 做晚餐，呢間好抵食，個份量絕對唔少，包裝一啲都唔Hea。香辣肉碎生菜包 $40呢個生菜包，讚，生菜新鮮，包裝企理，唔會壓到變哂形。個肉碎炒得好香，好惹味，食唔停口。豬頸肉撈檬 $30我好鐘意食撈檬，因為好鐘意個汁，平時食要浸到滿滿，呢度個汁都正好開胃，如果個汁份量多啲就好啦😋。香芧豬扒食 $37香茅豬扒入味又腍，仲有隻太陽蛋，又有一盒葱油餸飯，好味又靚仔。買飯、河加10蚊仲有小食，我加左香芧雞翼，又香又脆。呢餐真係超值，咁叫都係117蚊咋。