Lucky Smash (已結業)

喺荃灣返工，勁多嘢食，有一咁啱經過享和街，聞到超級大陣勁香嘅牛肉漢堡味，於是放棄食本來想食嗰間，過咗嚟呢一間lucky smash 食burger!!門面紅噹噹，超醒神，舖頭只買外賣漢堡，而且選擇唔多，無返咁上下信心應該都唔夠膽開舖，一於試試佢！雙層芝士牛肉漢堡餐 $98牛肉全部都係來自澳洲嘅安格斯手打牛肉，即場見佢即刻煎，鎖住晒啲肉汁，超juicy同非常香口。加埋半溶芝士，真係好味道一口接一口咁食！入邊仲有蕃茄、菜等配料，等個包唔會太油膩！正！薯條真係唔講得少！原個薯仔即切即新鮮炸，仲見到啲樹皮喺度，超脆口，食唔停口！