正點心 (已結業)

大約七點鐘黎到餐廳，唔算多人去到仲有卡位坐。🥯 三隻小豬流沙包 $39好可愛呀🐷真係因為上網見到呢三隻小豬先黎呢間餐廳， 都影左📸一陣相先捨得食😆，燈黃色嘅流沙䁔䁔地幾好食。😋🥟 紅菜頭柳葉素餃 $29係爽口嘅素餃 ，柳葉爽脆感覺健康。🍚 金銀蒜海蝦龍仔蒸飯 $98呢個係必點之選，勁多蒜蓉嘅海蝦，而整個蒸飯都充滿荷葉和海蝦嘅香味，唔洗落任何調味料都夠晒鮮味。🥣 時令燉湯（姬松茸螺頭燉雞湯）$35好香濃嘅姬松茸香氣，一向都鐘意飲姬松茸湯，有降糖降血脂作用，啱晒老人家。🥬郊外油菜$25估唔到廿幾蚊有咁大碟菜😋，真係仲平過自己煮。🍮 法式焦糖燉蛋 $26好意外一個食中式點心嘅餐廳，竟然有西式點心食😆，個燉蛋好軟滑，上層係脆甜焦糖。晚巿無加一，價錢都幾優惠。