藍鳥葡國餐廳

营业中

休息中

香港比較少有澳門葡國菜，係沙田禾輋竟然有一間，有馬介休球、乳豬等等，價錢抵食。餐廳佈置用左好多葡式瓷磚，環境唔錯。。炸馬介休球薯球 $43每次食葡菜都會嗌，馬介休混合薯仔，製成一個薯波，炸到脆卜卜。馬介休味好香，價錢仲好抵。。BBQ醬烤豬肋骨 $65豬肋骨肉質好腍，易咬又易切。BBQ醬甜甜地，同豬肋骨好夾。轉左薯菜，係粗薯條。。東望洋芝士鮮茄豬扒焗飯 $60即叫即焗，十分新鮮。豬扒大塊，肉質唔錯。面層鋪左芝士，茄汁調味唔錯，唔會太酸或太甜。飯係炒飯底，有蛋絲，炒到粒粒分明。推介。有汽水自助吧，汽水可以添飲。