彩星超級漁港 (已結業)

次次去探婆婆，食晚都好頭痛。婆婆鍾意食中菜，但係好似呢日咁，美心, 鴻星, 客家好棧, 潮江春...諗到嘅都滿哂，點算？今次膽粗粗試下呢間新野，點知都唔錯，希望下次黎佢未執粒。今餐座上有不能食蝦的，有只能食魚和粥的，最終算大致滿足到要求，而且味道唔錯，上菜仲熱添！服務真係幾有heart，因為餐牌明明冇絲瓜牛肉，但係部長都幫我地寫，而且幾好味。最驚喜係味沙薑雞。平時我食切雞，總之就係雞一件，都唔會理好食唔好食。但係今次呢隻上果陣仲熱，D肉好鬆化，皮就唔知喇，因為我唔食皮嘅。最好就係，叫半隻真係有半隻。你知平日白切雞幾偷雞架啦。食完有糖水送，雖然唔多款，OK啦。