炑八韓烤親子餐廳

营业中

休息中

今日一家人經朋友介紹 去咗親子餐廳。 地方好大設有波波池 和玩具室，還有韓服借出試著供打卡用，真係大人細路都啱玩！食物以韓燒為主，可預訂傳統韓燒屋，在佈置特色嘅韓屋入邊燒烤。鼠年新menu，店員推介新春套餐，韓牛總動員出動燒烤套餐，足夠一家人份量。韓國燒烤有韓牛西冷、霜降牛小排、韓牛貝身肉 大八爪魚、韓式大蝦、韓式梨汁雞肉。霜降牛小排 油脂豐富，分佈均勻，入口溶化，甘香四溢。 燒烤大蝦 焦香撲鼻，肉質新鮮清甜，爽滑彈牙。大醬湯用牛尾、瓜菜特製醬料淆製而成，香甜清新，牛味濃郁，鹹甜味道平衡適中，伴紫菜飯一流！九節板韓國新年傳統美食，用類似我哋嘅全盒盛載食材蟹柳、牛肉絲、京蔥、青瓜、紅蘿蔔、青紅椒切成絲狀，包裹雲吞皮嚟食，新鮮特別，充滿韓國氣氛!Oreo冰沫雪糕意猶未盡，點了一個雪糕甜品 Oreo冰沫雪糕，為今餐畫上完美句號。