美滋鍋 (家樂坊)

营业中

休息中

2020127 今日奕臻33個月大，我地去左位於旺角的《美滋鍋》慶祝，呢個天氣最岩去打邊爐，我地早左成個鐘到，都可以不用等，早些入去，但就算等也不怕，除左有飲品款待，每個籌號等超過30分鐘可獲扭蛋一次，獎品十分豐富。店內環境優美，服務很好，電子自助下單，上菜快，店員會詳細講解每款食材淥幾耐，醬料任取 ，款式非常多，仲有水果前菜任食，火鍋湯底先品嘗，然後才正式打邊爐，湯底美味，我地揀左鴛鴦鍋，長生抗癌松茸野菜鍋夠鮮甜＋維他命C番茄玉米鍋夠濃郁，食材新鮮，特別喜歡食花膠，夠曬彈牙，仲有係去骨雞肉片夠曬嫩滑，吃完還送上甜品柚子沙冰，可以消滯去油膩。另外仲有個遊戲室俾小朋友玩，除了可以請工作人員幫忙照顧外，遊戲室更設有CCTV，用手機掃二維碼，就可以看到小朋友的一舉一動，家長可安心打邊爐，不過今次武漢肺炎肆虐，為安全起見，要遲些再來，才可以玩。