影片
更多
2020-07-02
17 浏览
K11 MUSEA近來多左好多親子野，同時間俾我發現左一間好適合媽媽同小朋友都去既健康甜品店。其實一開始，真係唔知呢間CAFÉ「DAMA」係咁正。經過既時候，俾佢店舖環境吸引， 店內明顯花左好多心思去裝潢，有一大大幅花草牆最岩用黎打卡影相。雖然店內面積不算大，但睇得出好想令客人食得開心，舒服。見佢每日會推出四款口味既雪糕，四個口味會分為兩個配搭，每個配搭可以單味或混合口味。今日配搭2係紅火龍果肉雪糕同竹炭可可椰子，配搭2係楊枝金露同榴槤。DAMA雪糕好特別，入面不含蛋同奶，係純素雪糕。我們一坐低就叫了一個雙味軟雪糕水果杯同港式雞蛋仔軟雪糕配水果。拎食物時，店員告知，佢地用既餐具係可再用，超環保，如果食完想保存餐具，可告訴他們協助洗淨，服務好貼心。雙味軟雪糕水果杯：紅火龍果肉雪糕入面含80%新鮮果肉，所以雪糕顏色好sharp，充滿火龍果籽，口感清爽好正，唔會好快溶。而竹炭可可椰子雪糕我諗真係得DAMA先有，淡淡的竹炭焦香加上椰子和可可咁特別既組合，聽落好似好唔match，但食落偏偏又好夾。超粉紅色的紅火龍果肉雪糕配上黑黑的竹炭可可椰子雪糕，形成超強烈對比。拎住黎影相呃like認真一流!港
經過既時候，俾佢店舖環境吸引， 店內明顯花左好多心思去裝潢，有一大大幅花草牆最岩用黎打卡影相。雖然店內面積不算大，但睇得出好想令客人食得開心，舒服。
見佢每日會推出四款口味既雪糕，四個口味會分為兩個配搭，每個配搭可以單味或混合口味。今日配搭2係紅火龍果肉雪糕同竹炭可可椰子，配搭2係楊枝金露同榴槤。DAMA雪糕好特別，入面不含蛋同奶，係純素雪糕。
我們一坐低就叫了一個雙味軟雪糕水果杯同港式雞蛋仔軟雪糕配水果。拎食物時，店員告知，佢地用既餐具係可再用，超環保，如果食完想保存餐具，可告訴他們協助洗淨，服務好貼心。
雙味軟雪糕水果杯：紅火龍果肉雪糕入面含80%新鮮果肉，所以雪糕顏色好sharp，充滿火龍果籽，口感清爽好正，唔會好快溶。而竹炭可可椰子雪糕我諗真係得DAMA先有，淡淡的竹炭焦香加上椰子和可可咁特別既組合，聽落好似好唔match，但食落偏偏又好夾。超粉紅色的紅火龍果肉雪糕配上黑黑的竹炭可可椰子雪糕，形成超強烈對比。拎住黎影相呃like認真一流!
港式雞蛋仔軟雪糕配水果：因為媽咪超喜愛榴槤，所以諗都唔諗就叫榴槤單味，呢個係用超頂級貓山王榴槤所做既雪糕，所以一入口就感受到極濃郁既榴槤味。雪糕口感滑溜，有點像似雪葩。雞蛋仔都幾好食，即叫即造，製作時成間店飄來陣陣蛋香，外皮整得香脆，配上雪糕食簡直一流！我們選擇了配水果，加上水果後成杯好靚，感覺好豐富。而底部仲有少少燕麥碎，健康解膩！
食食下有個店員行黎同我地傾計，原來係老闆娘karen。感覺到karen對DAMA的熱誠，好欣賞佢對店內食物不只是為生意，而佢會好努力咁去研發同改良更多健康甜品，致力推動素食主意，充份將店面磚牆上 "we are Dreama, not a salted fish."呢句說話用行動表現出黎！所以DAMA既食物先可以咁高質!!
Karen好熱情咁了解我地中意食同飲d咩，仲介紹左我中意飲咖啡既媽咪試下Affogato，知道我地未試過，仲立即叫店員俾左一shot咖啡我地試下，我地幾唔好意思，但係感到Karen好樂於分享，對客人好像對待朋友一樣，夠真誠，同佢傾計好開心。
臨走我地叫左杯鮮果烏龍茶，大大杯充滿甘香的烏龍茶，加上鮮果後略帶點甜。
呢度甜品同雪糕都好岩帶小朋友黎食，連大人見到都會立即少女心爆發。價錢方面，絕對唔貴，價錢同連鎖大brand差唔多，但有高質食物，環境享受，仲要係位於k11 MUSEA，唔駛諗，下次黎開都一定要encore!!!
张贴
