影片
更多
2014-07-29
1308 浏览
Cafe life 位於原創坊PMQ這個新開既概念藝術設計品味區，舖面好細所以基本上都係做外賣生意。不過佢都貼心咁設計左個位置比人坐下。咖啡店由一個日本人開，係佢身上完全見到認真同敬業。咖啡師同店員非常親切好客，我想買豆佢地特登手沖比我試，仲即刻炒比我真係好好服務。佢地咖啡店既招牌cafe Au lait，用預先沖好既拼配手沖咖啡雪凍再加3.6牛奶製成既凍咖啡。佢應該係用左唔酸同不會太苦既南美豆，感覺不會太濃味，後續帶點奶香和巧克力甜味，配合非常和諧。另外試左危地馬拉fshb San Diego Buena vista既手沖。危地馬拉既豆好有自己既特色，通常都會帶點甜味。入口如絲幼滑，味道不苦不算而且有一種溫和既甜味，而甜味既尾韻留存得好耐仲有少少涼口。好少少似飲清酒既感覺，非常有趣。同店員吹下水，佢比我試左佢地2種凍手沖咖啡。哥倫比亞同坦桑尼亞自家炒製既咖啡豆。這個日本炒豆師炒既豆相當唔錯，哥倫比亞豆既苦味非常和諧，入口那種收斂的酸味帶來了一種刺激，隨後出尼既巧克力味就非常明顯，好好飲。絕對比得上holly brown既哥倫比亞90+。而坦桑尼亞既豆有一種好平穩既梅子酸味，佢既酸同E
Cafe life
位於原創坊PMQ這個新開既概念藝術設計品味區，舖面好細所以基本上都係做外賣生意。不過佢都貼心咁設計左個位置比人坐下。咖啡店由一個日本人開，係佢身上完全見到認真同敬業。咖啡師同店員非常親切好客，我想買豆佢地特登手沖比我試，仲即刻炒比我真係好好服務。
佢地咖啡店既招牌cafe Au lait，用預先沖好既拼配手沖咖啡雪凍再加3.6牛奶製成既凍咖啡。佢應該係用左唔酸同不會太苦既南美豆，感覺不會太濃味，後續帶點奶香和巧克力甜味，配合非常和諧。
另外試左危地馬拉fshb San Diego Buena vista既手沖。危地馬拉既豆好有自己既特色，通常都會帶點甜味。入口如絲幼滑，味道不苦不算而且有一種溫和既甜味，而甜味既尾韻留存得好耐仲有少少涼口。好少少似飲清酒既感覺，非常有趣。
同店員吹下水，佢比我試左佢地2種凍手沖咖啡。哥倫比亞同坦桑尼亞自家炒製既咖啡豆。這個日本炒豆師炒既豆相當唔錯，哥倫比亞豆既苦味非常和諧，入口那種收斂的酸味帶來了一種刺激，隨後出尼既巧克力味就非常明顯，好好飲。絕對比得上holly brown既哥倫比亞90+。而坦桑尼亞既豆有一種好平穩既梅子酸味，佢既酸同Ethiopia 既酸非常唔同。如果夏天去既話這種凍手沖咖啡值得一試，佢唔似冰滴咖啡既果種濃味，而係味道多層次既清涼飲品。行PMQ行到累就過尼消消暑，正啦。佢地炒既豆會比較深，雖然未必有hazel 果種淺炒既神奇味道，但係誠意同親切加分絕對值得一去。
张贴
