FRITES Belgium on Tap (曦巒) (已搬遷) 新店位置

呢間食比利時菜既餐廳地點非常容易搵，而且好大，裝修得好靚～一入到去，個度既負責人就好友善咁為我地介紹餐牌上既食物。我地叫左一個mussel set、兩個前菜、一個主菜同兩杯野飲，啲人通常都係咁叫。本身好少食西餐既我，以為啲野既份量會好少，怕唔夠飽。但原來唔係！我地叫既mussel係用creamy既湯煮，味道濃郁，而且mussel會伴埋啲薯條、麵包一齊上，所以唔洗怕唔飽～另外個兩個分別係蟹餅、同焗茄子，兩個都係店長推介。個蟹餅好特別，真係啖啖都係蟹肉、配上香脆既法式麵包，好match！另外個個焗茄子都唔錯，勁多芝士，而且伴碟既茄汁都係好有心思咁調味過，味道層次好豐富。主菜我地叫左rosemary roast chicken，我不嬲對燒雞情有獨鍾 ^3^，呢個燒雞烤到好香、配埋啲粟米湯汁好甜好好味，不過就咁食既話就鹹左啲啲。另外個兩杯野飲都好特別！一個係椰子味、一個係raspberry味，椰子味個個好好飲，我推介！其實呢間野啲啤酒都係重頭戲，但因為小妹唔飲酒，所以試唔到。鍾意啤酒既人不妨一試！啤酒配青口，一定好正！