影片
更多
2015-09-18
371 浏览
今日放假, 就去咗黃埔換演唱會飛. 換完之後望吓個錶. 個女差不多放學了. 個女係何文田返學. 而且超鍾意食日本菜. 我見有時間, 就上OPENRICE 睇吓黃埔或土瓜灣有咩日本餐廳啦! SEARCH 日本菜. 首先SEARCH咗黃埔. 冇一間LIKE.再SEARCH土瓜灣. 第一間就係 "楓 . 新日本料理" 櫒入去睇吓. 見到D相及食評都幾好. 即刻SEND資料比個女睇. 佢九秒九即覆...好. 咁我當然第一時間BOOK位啦. 去到門口見到店舖未有食客. 心唸...係我太早還是真係冇客呢! (我BOOK咗6:30) 唔理啦. 入咗去先算. 如果唔好食, 都係一次就算囉!(心唸). 一入到去, 老闆好友善問我想食咩!有咩唔食的. 個女當然搶答啦! 要食蟹...老闆笑住話: 你地今晚有口福了. 剛剛新推出任食松葉蟹腳sabu sabu. 我心唸...任食會唔會好貴架! 點知都唔洗我問. 老闆就話每人$480. 聽完後就哇! 都唔貴喎! 咁試吓啦! (補充一句: 坐到7:00已開始多客人了. 到8:30已有9成滿了)我地先叫咗兩隻松葉蟹. 好快就上菜了. 老闆親自上菜. 見到碟松葉蟹.
去到門口見到店舖未有食客. 心唸...係我太早還是真係冇客呢! (我BOOK咗6:30) 唔理啦. 入咗去先算. 如果唔好食, 都係一次就算囉!(心唸). 一入到去, 老闆好友善問我想食咩!有咩唔食的. 個女當然搶答啦! 要食蟹...老闆笑住話: 你地今晚有口福了. 剛剛新推出任食松葉蟹腳sabu sabu. 我心唸...任食會唔會好貴架! 點知都唔洗我問. 老闆就話每人$480. 聽完後就哇! 都唔貴喎! 咁試吓啦! (補充一句: 坐到7:00已開始多客人了. 到8:30已有9成滿了)
我地先叫咗兩隻松葉蟹. 好快就上菜了. 老闆親自上菜. 見到碟松葉蟹. 個女隻眼幾乎睇到趺出嚟. 個口就合唔埋. 笑死我. (因為佢真係好鍾意食蟹) 老闆都忍唔住笑...
松業蟹腳非常新鮮. 老闆話嚟到香港時已有7成熟. 放落熱鍋大概1分鍾就可以食. 唔好煮得耐. 果然, 蟹腳鮮甜, 肉厚, 肉嫩. 見到個女食到好滿足個樣. 真係抵晒.
除咗松葉蟹之外. sabu sabu 當然唔少得個好拍擋. 什錦菇菇及烏冬啦!老闆話底部有好嘢. 叫做葛絲. 係日本人用粉葛磨成粉狀再做成麵條. 係健康食品. 不過香港冇得買的. 放湯後幾十秒就食得. 好滑, 好煙un. 除咗葛絲. 仲有鮮冬菇, 雞肶菇, 靈芝菇, 金菇, 娃娃菜, 豆腐, 手打烏冬.
由於有松葉蟹食. 所以餐飯足足食咗三個鍾. 好彩老闆好人. 由得我地繼續食. 今晚餐飯超滿足(個女). 超開心(都係個女). 不過見到佢食得咁開心, 比幾多都值得. 但話說回來. 今餐真係好抵.张贴
