真鮨 (已結業)

今日上完堂要奬勵一下自己，同朋友相約八點半去尖沙咀食久違了的日本嘢。上網揾咗依間日本餐廳，原來依間小店喺美麗華嗰條街，雖然成日都經過，不過就唔多覺眼。一開門己經有服務員落樓梯迎接，可能係平日所以無訂位都即刻安排到梳化位置。首先講講裝修，舖頭雖然細但裝修唔馬虎，好有日本味道，仲有四個Bar枱位。全店大概三十幾個位，但都唔會坐得好迫同好嘈，起碼我唔會聽到隔離食客傾緊咩。「蟹籽沙津」青瓜清甜爽口唔會出曬水，蟹柳份量適中，蟹籽新鮮。「鹽燒牛舌心」厚厚牛舌燒得剛剛好，好嫩好juice，鹹味適中，牛味重。「至尊壽司B 」一共十五件壽司三文魚、劍魚腩、左口魚邊甘香肥美帆立貝、赤蝦、八爪魚鮮甜唯獨蟹棒質地較實，鮮味欠逢。「鰻魚丼」鰻魚肥厚，份量十足，鰻魚汁味道適中不過鹹，珍珠米彈牙。