影片
更多
2019-06-17
583 浏览
平時出街食飯最怕人多又要急急交枱，今次就跟朋友係彩虹站坐小巴入白沙灣「食之劇場」食晚餐。落小巴過對面馬路，就已經到白沙灣碼頭，左轉就見到「食之劇場」。餐廳好近遊艇會，有遠離繁囂既感覺，入到餐廳仲令我以為自己飛左去日本。原來，客人需要提前訂位，餐廳需要預訂新鮮時令食材，恕不接受walk in客人，今次我地揀左「天Ten Set」，整體感覺係睇得出主廚在揀選食材、味道層次配搭、菜式擺盤都用盡心思，講求協調而不失特色。今次坐吧枱，主廚為我地詳細講解，輕輕鬆鬆咁交流，仲認識左一的食材同埋文化知識，真係好充實呀！講開食物，「前菜三點」真係好正，當打開盒既時候，聞到櫻花木既薰香，好似令人置身日本鄉郊。聽侍應妹妹講，前菜既設計同用料，係出面既料理會用係主菜，所以呢度既前菜係好抵食。東京灣穴子百菜卷：魚肉入口即溶入口即溶醬油帶子：鮮甜彈牙，醬油鮮味不會喧賓奪主。汁煮花螺：新鮮，洗得乾淨，入味而不會overdone 。跟住到「刺身三點」。先有兵庫縣膝津生蠔：佢海水味不會太重，幾清新，食落幾滑而不失質感，主廚親自調校既醬汁不會overdone赤身長崎吞拿魚：相比拖羅就勝在唔會有根，末端仲好肥美香口。根室海
落小巴過對面馬路，就已經到白沙灣碼頭，左轉就見到「食之劇場」。餐廳好近遊艇會，有遠離繁囂既感覺，入到餐廳仲令我以為自己飛左去日本。
原來，客人需要提前訂位，餐廳需要預訂新鮮時令食材，恕不接受walk in客人，今次我地揀左「天Ten Set」，整體感覺係睇得出主廚在揀選食材、味道層次配搭、菜式擺盤都用盡心思，講求協調而不失特色。
今次坐吧枱，主廚為我地詳細講解，輕輕鬆鬆咁交流，仲認識左一的食材同埋文化知識，真係好充實呀！
講開食物，「前菜三點」真係好正，當打開盒既時候，聞到櫻花木既薰香，好似令人置身日本鄉郊。聽侍應妹妹講，前菜既設計同用料，係出面既料理會用係主菜，所以呢度既前菜係好抵食。
東京灣穴子百菜卷：魚肉入口即溶入口即溶
醬油帶子：鮮甜彈牙，醬油鮮味不會喧賓奪主。
汁煮花螺：新鮮，洗得乾淨，入味而不會overdone 。
跟住到「刺身三點」。
先有兵庫縣膝津生蠔：佢海水味不會太重，幾清新，食落幾滑而不失質感，主廚親自調校既醬汁不會overdone
赤身長崎吞拿魚：相比拖羅就勝在唔會有根，末端仲好肥美香口。
根室海膽：有鮮甜味，無甘澀味，上面仲配有法國魚子醬，主廚以菊花花瓣伴碟。
值得一提係師傳選用透明豉油，它是以蒸餾方式處理，主廚另加昆布、味䨬、無血木魚花調味，味覺效果多帶有海鮮味，而唔係平時得個豉油咸味。
燒物：
十勝和牛：肉質細嫩，不會油膩，建議上碟後即食。雖然我鍾意食牛，但平時我都怕食得多牛肉都會膩。呢次食十勝和牛，全部食曬，好香口呀！仲有，伴碟既蔬菜係令我食落唔膩既原因，食用仙人掌葉清新，而羽衣甘藍質感實在，又有營養價值，睇得出主廚的鋪排好有心思。
煮物：
京都蔬菜盤：
魚柳選用豆喜之次，肉質嫩滑，烹調入味。
小毛青絕無平時蘿白硬身和苦澀味道。
豆腐嫩滑有質感，但又唔會似一般豆腐咁易散。
南瓜味濃郁，唔會粉到散曬，吸收到樫魚味道
翠綠色既，就是以百合蓉混合枝豆蓉，味道與質感結合得岩岩好。
南非慢煮鮑魚乾醬飯：
柔煮鮑魚，其他切粒，煮三小時，選用秋田米，煮完加冰糖，並用新鮮粟米葉伴碟。連平時唔食飯都食到一粒都無剩。
白貝清湯配刁草：白貝肉質嫩滑香口，湯味鮮甜，加上刁草調味，令白貝與刁草既味道配合得天衣無縫，完全無違和感。
到我最鍾意既甜品啦，有北海道白粟米、士多啤梨、抹茶雪糕夾餅。主廚對顏色配搭非常有心思，先食時令既白粟米清除口腔既食物味道，然後慢慢歎士多啤梨同埋抹茶雪糕夾餅，令我覺得今次有好圓滿既感覺。
走之前，我已約定下次放假去食lunch同埋tea，到時就可以享受藍天白雲同海景啦！好期待呀！
张贴
