瀛 ‧ 日式料理 (已結業)

話說住葵青區唔會特登去坑口食個lunch!今次去開將軍澳睇醫生就去覓食一下！坑口村係一條村屋！都好多餐廳下！今次就揀左日本野！ 佢有空內空外！環境都幾寧靜！幾舒服！lunch set!lunch黎講價錢都合理！佢一個set都包幾多野！豬骨湯雜菜拉麵，好少人會揀，因為無肉！但佢呢個好豐富！個湯一啲都唔味精，少油，配埋啲菜變得好甜！溫泉蛋真的流心！沙律係配有日式柚子汁，較清新！鰻魚飯，好香，魚保留到香滑，表面仲有啲脆身！個汁配合得好好！ 魚生飯，見到眼睛即刻bring bring，大大塊三文魚刺身，加上飽滿既魚子，大滿足呀！炸軟殻蟹，大大舊，十分脆身，黎到唔會淋哂，即叫即炸！牛舌炒雜菜！好好味！佢加左黑椒落得炒已經好香，好有味！簡單係最好的！牛舌唔會過哂火，唔會太薄身，有口感！呢個係最愛呀，燒三文魚頭，好滑，好香，有魚味，處理得好好，加少少鹽就好夠！正呀！是日柚子味雪糕， 好少食到咁清新既味！唔會苦，唔會太甜！岩岩好！下次要再黎！