MEAT BRO (已結業)

喺threads見到有人推薦，comment都好多正皮，第二日即刻試下，嗌咗照燒汁雞扒飯，講真，都頗失望。賣相睇落去就完全唔吸引，正常嚟講雞皮應該係向面，但係唔知點解會向下擺😂不過外賣就算啦，可惜食落去係令人更加失望。雞扒嘅質地偏硬，都真係幾鞋。雖然飯量好足，用嘅係珍珠米，但係啲雞太鞋，已經無胃口食白飯。至於照燒汁，份量係完全唔夠，根本就撈唔到飯，食到一半，雞又鞋，汁又冇，勁dry😂最離譜係嗰啲西蘭花，煮得過熟，仲燶晒，完全冇咗新鮮感同脆口😂除咗照燒汁雞扒飯，同行朋友都試咗鰻魚、豬頸肉飯大家都話好普通。總括嚟講，雖然性價比高，但係味道同口感實在令人失望，應該唔會再試第二次。