影片
更多
2012-02-12
15 浏览
由於今次爸爸請食buffet，就去咗剛在報紙買過的大飽口腹，但係D食物認真普通。自助餐由5:30開始，可以食到9:30PM。Book 咗位6:30，去到唔駛等。有人帶位，坐低跟住梗係出去攞嘢食啦！（帶位坐低後會每人獲發兩顆紅寶石，食龍蝦、鮑魚就係靠呢D寶石先換到返嚟。食物魚生：只食過三文魚，有三文魚同三文魚腩，不過兩個都完全無味Sushi: 太凍，食咩都無味熱食：燒豬寸骨，買相不錯，但太乾啦！無encore...鵝乾炒飯，好難食，千祈唔好試。蒸扇貝，扇貝無味，D粉絲好粉燒扇貝，唯一一度餸係可以encore!!! 味道和帶子都不錯！！牛仔骨，都係無味炸豆腐，凍的，1D都唔脆XX煮雞&四川痳辣雞，D肉"hai"過腳皮蒸魚，少少腥，不過都接受到，但最接受唔到係條魚冇油冇豉油，送到埋枱都唔好食啦（魚係自己揀，跟住俾個枱號佢，煮完會有專人送到枱）！蒸籠仔蝦，七成蝦都梅o既，食咗D就無食啦！用鑽石換的：蒜蓉蒸龍蝦，睇落唔錯，排除粉絲唔講，龍蝦肉還可以...但2nd round 又係梅o既蒜蓉蒸鮑魚，唔諗，唔鮮鵝乾多士，太乾啦！甜品：食咗雪糕，好難拔！類似蒸蛋（唔記得叫乜），好難食，成pat 粉咁（
由於今次爸爸請食buffet，就去咗剛在報紙買過的大飽口腹，但係D食物認真普通。自助餐由5:30開始，可以食到9:30PM。Book 咗位6:30，去到唔駛等。有人帶位，坐低跟住梗係出去攞嘢食啦！（帶位坐低後會每人獲發兩顆紅寶石，食龍蝦、鮑魚就係靠呢D寶石先換到返嚟。
食物
魚生：只食過三文魚，有三文魚同三文魚腩，不過兩個都完全無味
Sushi: 太凍，食咩都無味
熱食：
燒豬寸骨，買相不錯，但太乾啦！無encore...
鵝乾炒飯，好難食，千祈唔好試。
蒸扇貝，扇貝無味，D粉絲好粉
燒扇貝，唯一一度餸係可以encore!!! 味道和帶子都不錯！！
牛仔骨，都係無味
炸豆腐，凍的，1D都唔脆
XX煮雞&四川痳辣雞，D肉"hai"過腳皮
蒸魚，少少腥，不過都接受到，但最接受唔到係條魚冇油冇豉油，送到埋枱都唔好食啦（魚係自己揀，跟住俾個枱號佢，煮完會有專人送到枱）！
蒸籠仔蝦，七成蝦都梅o既，食咗D就無食啦！
用鑽石換的：
蒜蓉蒸龍蝦，睇落唔錯，排除粉絲唔講，龍蝦肉還可以...但2nd round 又係梅o既
蒜蓉蒸鮑魚，唔諗，唔鮮
鵝乾多士，太乾啦！
甜品：
食咗雪糕，好難拔！
類似蒸蛋（唔記得叫乜），好難食，成pat 粉咁（為咗唔浪費食物，我免為其難食哂）
Nuts Brownie，有nuts 係裏面，唔會難食得去邊
呢度未食完就要埋單，之後俾返張卡你話係proof of your payment ，出門口又要交返俾佢哋（真係好鬼多餘！）。順帶一提，恒生卡、CitBank Card 有95折。
如果講食物，呢度D quality 真係完全唔得，以咁o既價錢唔講食酒店自助餐啦！食放題都好食過佢多多聲！如果講quantity，佢選擇都算多，只係睇你揀唔揀得落手。
呢度唯一要讚o既係服務，waiter 執碟執得好快，能度都算好，連經理仔（西裝友）都幫手執枱！
呢間o野係深圳好hit，但相信係HK 太大對比，真係唔駛食佢，以呢個價錢出去食都一定會仲好食！如果無聽到有明顯改善，相信都唔會再幫襯。
张贴
