影片
更多
2008-05-25
5 浏览
諗住同老婆去食餐好既，最後揀左「傳說中」最好既君悅甜品自助餐。環境靚得無話可說，可能係我地早BOOK位，有得坐窗邊，望住維港夜景，又有LIVE樂隊，超舒服的梳化，柔和既燈光，環境絕對無敵。講食物，依時20:00去到，一開始好多人都係食咸點先，呢日有焗蠔，味道真係唔錯，蠔仔細細，但係都好鮮味。不過呢度想講講香港人食自助餐既習慣，見到蠔就搶搶搶，荒死蝕底、冇得食咁，鬼咁失禮。o的焗蠔一次過出十幾隻，有一對情侶，一次就拎左接近10隻走，十足餓鬼投胎前世未食過蠔咁，搞到我地係後面排緊隊既人全部都O晒嘴。請注意，呢類五星級酒店，食物冇左會好快refill，唔怕冇得食，只怕你食唔晒，唔該俾少少manner好唔好？咸點方面，我反而幾鍾意個芝士包，芝士味好香，至於鵝肝燉蛋，鵝肝香，蛋軟滑，細細杯容易食，我食左兩杯。不過個三文魚火腿卷，我覺得略咸左o的。甜品方面，普洱雪糕幾得意，最初怕會好怪味，但食落又好好味，奶味唔重，食落口之後滲出茶香，我諗都係必食甜品。tiramisu，酒香幾濃，但老婆話味道一般。焦糖燉蛋，略甜。試左幾個細細杯既cream類甜品，cream好滑，有咖啡餡既，咖啡味好香好突出，不過呢
講食物，依時20:00去到，一開始好多人都係食咸點先，呢日有焗蠔，味道真係唔錯，蠔仔細細，但係都好鮮味。不過呢度想講講香港人食自助餐既習慣，見到蠔就搶搶搶，荒死蝕底、冇得食咁，鬼咁失禮。o的焗蠔一次過出十幾隻，有一對情侶，一次就拎左接近10隻走，十足餓鬼投胎前世未食過蠔咁，搞到我地係後面排緊隊既人全部都O晒嘴。請注意，呢類五星級酒店，食物冇左會好快refill，唔怕冇得食，只怕你食唔晒，唔該俾少少manner好唔好？
咸點方面，我反而幾鍾意個芝士包，芝士味好香，至於鵝肝燉蛋，鵝肝香，蛋軟滑，細細杯容易食，我食左兩杯。不過個三文魚火腿卷，我覺得略咸左o的。
甜品方面，普洱雪糕幾得意，最初怕會好怪味，但食落又好好味，奶味唔重，食落口之後滲出茶香，我諗都係必食甜品。tiramisu，酒香幾濃，但老婆話味道一般。焦糖燉蛋，略甜。試左幾個細細杯既cream類甜品，cream好滑，有咖啡餡既，咖啡味好香好突出，不過呢類cream甜品，食多一兩個就開始覺得「餾」。至於其他甜品，雖然都係水準之內，但係就好似欠左o的特色，有好多食左都唔係太深印象。生果麻，酸左o的囉，食左幾件菠蘿同士多啤梨，都係偏酸。
價錢麻，連飲品，接近$290一位，唔可以叫抵食，但有咁既環境咁既服務，可以俾你慢慢hea慢慢食傾下計，都算係合理啦。
张贴