佐賀燒肉谷 (大鴻輝(荃灣)中心) (已結業)

約咗我老公諗住食火鍋，點知排隊條龍多到不得了，想轉下，上到一樓，見到間燒肉，唔使排隊，望入去，好闊落，冇乜人，驚會伏，再睇下價錢，都唔平喎⋯⋯見啲位好靚，我哋兩都都想坐得舒服啲，門口陳姓經理又熱情，推介封門柳呢個餐，佢話唔食過唔知好架，包你一試難忘，好殷勤招待，帶我地坐落一張勁濶嘅位，起碼坐得落6人，係荃灣一帶，2人食飯應該都好難有呢個坐位分配，舒服😌陳經理仲怕我地唔識用qr code落單😅不停教我地，好😊。封門柳黎到，又教我地點燒會最好食，後生仔又真係勤力，好抵讚⋯⋯封門柳淋身，唔鞋唔un，好推介，經理哥哥仲推介豬腸，平時我唔多食，怕污糟，但盛情難卻，老公燒完黎食，嘩，好食，但人老了，怕太高膽固醇，唯有忍下口⋯餐廳都仲有好多好食嘢，但眼闊肚窄，唯有下次再食啦……