Bove (已結業)

見到排曬隊，諗住實冇死啦，買完仲要等20張飛，應該冇伏掛，一黎到，賣相唔錯，一食落蛋味唔夠，仲好有“張”住個嘴既感覺，好明顯落既粉落得太多，蛋太少，十足真係食緊pancake咁！真心伏！唔好因為見多人而去試，要食去am.pm食都好過佢！但係openrice要200字先可以俾劣評，為左俾個劣評佢等唔好再有咁多人中伏，我決定要繼續寫落去！佢跟埋既cream，係淺淺地藍色，外型似cream，但一啲味都冇，完全唔知自己食緊咩！真係好伏好難食，28蚊食呢啲，我真係寧願去返油麻地食仲平，如果多錢冇地方用而又好想求其搵啲野填肚既話，歡迎黎食！