鮮茶道 (已結業)

大熱天時，唔搵嘢飲真係幾高難度。行開尖沙咀嘅the one，見到宣傳廣告，話有300幾間分店嘅鮮茶道進駐尖沙咀The One，見到個數目更龐大，心諗應該非常好飲，所以就特登落到去aeon 嗰餐去買野飲。啱啱開新裝修，個門面都幾舒服企理。門口放咗好多嘅茶葉罐，一睇就知係主打查嘅飲品啊。可惜嘅係，去到已經四五點，因為怕飲完茶之後會瞓唔着，所以唯有試其他非四五點，因為怕飲完茶之後會瞓唔着，所以唯有試其他非茶類飲料。見到佢哋係用咖啡機黎沖茶，覺得非常有趣，唔知咁樣會唔會濃啲呢？我叫咗蜂蜜蘆薈（ $23 ），叫咗去冰同少甜，飲落去其實就單純嘅蜂蜜水，同埋加咗蘆薈，可能唔係飲佢哋嘅招牌嘢，飲落唔覺有乜特別。男朋友叫咗紫芋鮮奶（ $27 ），加白珍珠（ $5），雖然叫咗3分甜，但係個飲品都仲係非常甜，正常冰啲冰真係大大舊，飲嘅時候啲冰好阻住哂。我同男朋友都唔係太鍾意呢間野出品，下次唔會再試lo。