林記點心

扺食，四款點心每款 $14，茶位$5⋯ 食品質素緊隨其價錢。

佢客似雲來，理論上啲點心應該好新鮮，腸粉見到係一路賣一路整，但係鴨腳扎啲芋頭竟然係有截係乾身，百思不得其解。蝦餃係用$20一斤嗰啲細蝦，但係都有蝦味，有人搣埋殼俾你食，重想點？見到好多人都係點盅頭飯，可能嗰啲先係好嘢。

店員同老客戶關係好。聽到有店員問：阿伯你凍唔凍啊，凍我就閂細啲個風扇～ 🥰

剛好食到汗流浹背嘅我，成個變定格⋯ 好在阿伯話：唔凍唔凍 😄