意粉 360 (已結業)

上次Uplord唔到相，之後就完全唔記得要寫依篇野呢意粉360，其實上次同老公食完下午茶後，覺得佢差左都唔係好想再去；之前好幾次出街食飯都已經冇諗過食佢啦。但係今次行過見佢個門面又裝修過執過位唔同左；小朋友又話食Pizza，咁就再入去試下啦。2大2細，叫左2個Pizza，2個飯，因為都唔係太肚餓，而且要留肚一陣睇戲時食爆谷呢石窩飯，嘩，完全冇味道的。明明有牛肉，有蔥等，睇色應該重落左唔少醬油，但真係冇味道的。有雞蛋同火腿的厚底Pizza，其實依間既Pizza係薄底好食D，但係已經叫左一個薄底囉，就叫個厚底又飽肚少少囉。味道係OK架，如果薄底應該會好食D波蘿火腿的薄底Pizza，依個真係冇乜好講，係好味的。相比起個石窩飯，依個咖喱飯好食得多囉，豬扒都炸得好味。不過咖喱有D少，完全唔夠分；好彩問侍應可唔可以比多D咖喱都好爽手就拎多碗咖喱比我地，我見其他客人都有問拎咖喱呢。除左個石窩飯，其他三樣野食都算幾好。唔知係咪執位又換過個廚師呢？不過佢既質素咁唔穩定，如果可以既話我都唔想再幫襯囉。