魚川居 (已搬遷) 新店位置

今日行開地觀塘附近做嘢，咁其實之前朋友都介紹過呢間魚川居，咁佢呢家做緊火鍋放題，咁點都去馬啦，咁我就同朋友叫咗個酸菜魚嘅湯底。 咁佢呢個餐廳比較細心就係佢啲魚片係另上嘅 咁可以令到滾湯嘅時候啲魚都保持嫩滑。咁其實佢個點餐紙都幾多嘢食嘅:例如就有牛肩胛、牛板腱、特級肥牛一黑豚肉，海鮮方面亦都會送過海鮮盤畀我哋咁有肉蟹、鮑魚帆立貝、花螺。 重點要介紹就係個肉蟹同鮑魚，肉蟹擺落個煲度錄一錄都好清甜， 交易更加唔洗講 ，兩個字係鮮甜。牛同豬嘅質素亦都好好，其實真係放落過火鍋度焯一焯大概3至4分鐘就可以食，牛當然更加快啦，所以以咁嘅價錢有咁有質素，夫復何求。小食方面佢亦都有涼拌青瓜蓮藕片雲耳， 再加上就有我最鍾意食嘅午餐肉、炸雞軟骨同土匪雞翼。土匪雞翼我都叫咗6至8隻，整得個雞皮幾好食。 你都知喺某啲食米線嘅地方土匪雞翼都唔平啦。最後大家真係可以去發掘最後嘅寶藏，咁我呢度都唔講係咩牌子， 真心講我自己認為最緊要一定係食雪糕。 因為如果唔係阿姐提點我食雪糕，我都唔知有雪糕，係一個我認為有質素嘅雪糕，所以喺呢度我要多謝阿姐。 行開觀塘附近嘅朋友，自己可以去試下啦。